İctimai nəqliyyatın fəaliyyəti dayandırıldı

12.09.2020 00:31     Sosreaksiya     1025

Xüsusi karantin rejiminin tətbiq olunduğu Bakı, Sumqayıt şəhərləri və Abşeron rayonunda həftəsonu ictimai nəqliyyat fəaliyyət göstərməyəcək.

Reaksiya.az xəbər verir ki, bu barədə Nazirlər Kabineti yanında Operativ Qərargah qərar qəbul edib.

Qərara əsasən, 12 sentyabr saat 00:00-dan 14 sentyabr saat 06:00-dək Bakı, Sumqayıt şəhərləri və Abşeron rayonunda ictimai nəqliyyatın fəaliyyəti qadağandır.

Qeyd edək ki, sentyabrın 14-ü saat 06:00-dan Bakı Metropoliteninin sərnişindaşıma fəaliyyəti bərpa ediləcək.

Reaksiya.az