Qalmaqallı klip: Bu rayonlarımız İran ərazisi kimi göstərildi - VİDEO
17.09.2020 16:15 Sosreaksiya 723
Son günlər sosial şəbəkələrdə Alim Qasımov və Seyid Taleh Abbasovun (Boradigahi) 2018-ci ildə çəkilən “Hədəfim Hüseyndir” adlı klipi ilə bağlı qalmaqallı görüntülər yayılıb.
Sosial şəbəkə istifadəçiləri klipin 8-ci saniyəsində divarda asılan xəritədə Azərbaycanın cənub rayonlarının bəzisinin İran ərazisi kimi təqdim olunduğunu yazıblar.
Reaksiya.az xəbər verir ki, məsələ ilə əlaqədar Mediapost.az-a danışan Seyid Taleh studiyanın başqa birinə aid olduğunu deyib:
“Həmin studiya pianoçu Samir Şirinovun studiyasıdır. Hörmətli Alim müəllimlə orada qonaq olmuşuq və ilahiyyə oxumuşuq. Düzünü desəm, həmin xəritəyə fikir verməmişdim. Son 2 gündür xəritənin fotosu paylaşılandan sonra görümüşəm. Yaxşı olardı ki, bunu Samir bəylə dəqiqləşdirsinlər”.
Qeyd edək ki, S.Şirinovla əlaqə saxlamaq mümkün olmayıb.
Şərhlər