“Gənc əsgərlər cəbhəyə deyil, müvafiq hərbi hissələrə yola salınır”
02.10.2020 15:44 Sosreaksiya 573
“Həmişə olduğu kimi, 18 yaşı tamam olmuş və möhlət hüququ olmayan gənclər qanunvericiliyə uyğun olaraq, Vətən qarşısında borclarını yerinə yetirmək üçün əsgəri xidmətə yola salınırlar. Gənc əsgərlər cəbhəyə deyil, müvafiq qoşun növlərinin hərbi hissələrinə, təlim mərkəzlərinə göndərilir və qarşıdakı 3 ay müddətində orada onlara təlimlər keçiləcək, hərbin sirləri öyrədiləcək və daha sonra xidmətlərini təyin olunduqları yerlərdə davam etdirəcəklər.
Reaksiya.az xəbər verir ki, bunu Səfərbərlik və Hərbi Xidmətə Çağırış üzrə Dövlət Xidmətinin rəisinin birinci müavini, general-mayor Zaur Abdullayev deyib.
O, qeyd edib ki, oktyabrın 30-dək davam edəcək müddətli həqiqi hərbi xidmətə çağırış normal prosedur qaydasıdır və plana uyğun olaraq aparılır: “Ali Baş Komandanın sərəncamı əsasında qismən səfərbərliklə planda nəzərdə tutulandan çox -10 minlərlə vətəndaş ərazi bütövlüyü uğrunda gedən döyüşlərdə iştirak üçün müraciət edib və onlar təlimlərə cəlb edilib.
Şərhlər