Əli Məsimli: “Yolu bərpa etməyəcəkdinizsə, niyə dağıtmısınız?”
31.05.2021 13:26 Sosreaksiya 342
Yevlaxdan Şəkiyə qısa müddətə çox gözəl yol çəkilib. Həqiqətən də qısa müddətə Şəkiyə çatmaq olur. Ancaq Oğuz-Şəki yolu dağıdılıb və buna qədər yolun bərpası haqqında düşünmürlər.
Bunu Milli Məclisin deputatı Əli Məsimli parlamentdə “Azərbaycan Respublikasının 2020-ci il dövlət büdcəsinin icrası haqqında” qanun layihəsinin müzakirəsində çıxışı zamanı bildirib.
Ə.Məsimli qeyd edib ki, turizm mövsümü zamanı da yolun bərpa olunmasına ümid yoxdur: “Əgər siz yolu bərpa etməyəcəkdinizsə, niyə sökürdünüz? Aidiyyəti qurumlar bu məsələni uzadacaq və sonda da deyəcək ki, vəsait azlığı var. Nəticə olaraq bütün məsuliyyət də düşəcək Maliyyə Nazirliyinin üzərinə”.
Şərhlər