Daha bir hərbçimiz göldə boğularaq həlak oldu

18.06.2021 16:28     Sosreaksiya     378

Bu gün Laçın istiqamətində daha bir hərbi qulluqçumuz göldə boğularaq həlak olub.

Reaksiya.az xəbər verir ki, bu barədə sosial şəbəkələrdə məlumat yayılıb.

Bildirilir ki, həlak olan 2001-ci il doğumlu İsmayıllı rayonu, Quşencə kənd sakini əsgər Nicat Eynulla oğlu Əkbərovdur.

O,Vətən müharibəsi iştirakçısı kimi Azərbaycan Respublikasının Prezidenti İlham Əliyevin sərəncamı ilə “Laçının azad olunmasına görə” medalı ilə təltif edilmişdi.

Qeyd edək ki, ötən gün Azərbaycan Ordusunun daha bir hərbi qulluqçusu, kapitan İlham Allahverdi oğlu Fərzəliyev göldə çimərkən boğularaq həlak olub.

Reaksiya.az