Bakıda kanalizasiyaya heyvan içalatı atılır - Araşdırma başladı
30.06.2021 17:00 Sosreaksiya 375
Bakının Xətai rayonunun Həzi Aslanov qəsəbəsi, İlham Məmmədov küçəsində kanalizasiya sisteminin vaxtaşırı tutulması sakinlər arasında narahatlıq yaradıb.
Bu barədə Reaksiya.az-a daxil olan vətəndaş şikayətində bildirilir ki, heyvan içalatı atıldığına görə kanalizasiya sistemi mütəmadi olaraq tutulur. Tullantının hardan atıldığı isə məlum deyil.
Məsələ ilə bağlı saytımıza açıqlama verən Azərsu ASC-nin mətbuat katibi Anar Cəbrayıllı bildirib ki, ərazidəki problem vətəndaş müraciəti əsasında operativ olaraq nəzarətə götürülüb:
“Sukanal sistemi ilə bağlı problem kökündən araşdırılacaq, qısa vaxtda lazımi tədbirlər görüləcək”.
Şərhlər