Dövlət qərar verdi: "Tərtər işi" ilə bağlı YENİ XƏBƏR! - Generalların həbsi gözlənilir!

17.12.2021 13:52     Sosreaksiya     532

Azərbaycan Baş Prokurorluğunda “Tərtər işi”nin araşdırılması üçün yeni istintaq qrupu yaradılıb. 

Reaksiya.az “Qafqazinfo”ya istinadən xəbər verir ki, “Tərtər işi”nin Baş Prokurorluqda yenidən istintaq olunmasına başlanılıb.

Bu məqsədlə yaradılan istintaq qrupuna digər hüquq-mühafizə orqanlarının əməkdaşları da cəlb edilib. Baş vermiş hadisənin bütün detallarının ən incə xırdalıqlarına qədər araşdırılması, prosesdə iştirak edən bütün şəxslərin dindirilməsi və ortaya tam obyektiv nəticə qoyulması ilə bağlı tapşırıq verilib. 

Xatırladaq ki, Tərtərdə hərbi hissədə baş vermiş hadisələrə görə 2017-ci ilin may ayında cinayət işi başlanıb. Sonradan “Tərtər işi” adlanan və bu günə qədər müzakirə edilən işlə bağlı Hərbi Prokuror Xanlar Vəliyevin verdiyi açıqlamaya görə, işgəncə faktına görə başlanan cinayət işi ilə bağlı 16 nəfər müxtəlif vəzifəli şəxs məsuliyyətə cəlb edilib. Cinayət işi başlayanadək bir nəfər şəxs işgəncələrdən vəfat edib.