Prezident yanında İctimai Palata yaradılması təklif edildi
15.01.2022 12:34 Sosreaksiya 279
“Azərbaycanda ictimai nəzarətin hüquqi əsasları var. Lakin ictimai nəzarətin bir institut olaraq formalaşması başa çatmayıb”.
"Reaksiya.az" xəbər verir ki, bunu QHT-lərə Dövlət Dəstəyi Agentliyi tərəfindən keçirilən "Korrupsiyaya qarşı mübarizə və ictimai nəzarətin gücləndirilməsində QHT-lərin rolu" tədbirində Konstitusiya Araşdırmaları Fondunun rəhbəri Əliməmməd Nuriyev deyib.
O bildirib ki, ictimai nəzarət orqanları bütün dövlət qurumlarını əhatə etmir: “Dünyada bununla bağlı təcrübələr mövcuddur. Bunlardan biri Prezidentin yanında İctimai Palatanın yaradılmasıdır. Bu ən yaxın təmas deməkdir. Problemləri ən dəqiq şəkildə çatdırmaq deməkdir.
Bu sayədə ayrı-ayrı sektorlarda vəziyyəti müzakirə etmək olar. Hesab edirəm ki, palatanın tərkibi media, ayrı-ayrı sahələrin mütəxəssisləri və vətəndaş cəmiyyəti institutları olmalıdır”.
Şərhlər