“Azəriqaz” 6 aylıq fəaliyyətinin yekunlarını açıqlayacaq

07.07.2022 16:30     Sosreaksiya     390

Sabah saat 11:00-da Azərbaycan Dövlət Neft Şirkətinin “Azəriqaz” İstehsalat Birliyinin inzibati binasında növbəti “Açıq qapı” aksiyası keçiriləcək.

Reaksiya.az xəbər verir ki, aksiya “Facebook” sosial şəbəkəsi üzərindən canlı yayımlanacaq.

Aksiyada həm bu ilin 6 ayının, həm də iyun ayının yekunlarına dair hesabat təqdim olunacaq. Vətəndaşların sualları da canlı yayım vasitəsilə cavablandırılacaq.

Qurum qeyd edir ki, hər bir media qurumu, QHT nümayəndəsi və sosial şəbəkə fəalları (bloger) bu tədbirə dəvətlidir. Sualları baş direktor Ruslan Əliyev cavablandıracaq.

Reaksiya.az