Putin AES-i partlatmağı əmr edə bilər - KİV
03.07.2023 13:24 Sosreaksiya 414
Rusiya Prezidenti Vladimir Putin sarsılmış mövqeyini möhkəmləndirmək üçün Zaporojye AES-i partlatmağı əmr edə bilər.
Reaksiya.az xəbər verir ki, bu barədə “Tayms” məlumat yayıb.
“Putinin tərəfdarlarının gözündə simasını xilas etmək vacibdir. Odur ki, Moskvanın heç bir uğur əldə edə bilmədiyi müharibənin gedişi və Yevgeni Priqojinin başçılıq etdiyi “Vaqner”in üsyan cəhdi Kreml rəhbərini istənilən radikal hərəkətlərə sövq edə bilər. Bu, Putin rejimi üçün təhlükəli məqamdır və deməli, region üçün təhlükənin artması anıdır. Siyasi reputasiyasını bərpa etmək üçün Putin tez qələbələr ümidi ilə müharibəni gücləndirməyə şirnikləndirilə bilər. Rus qoşunları artıq Kaxovka su elektrik stansiyasını partladıblar, ona görə də onların Zaporojye AES-ə də zərbə endirmək planının olması tamamilə mümkündür. Bu şübhələri rusların və zavod işçilərinin AES-dən tədricən çıxarılması da dəstəkləyir. NATO-ya üzv ölkələr Rusiyanı ciddi şəkildə xəbərdar etməlidirlər ki, onlar Zaporojye atom elektrik stansiyasında potensial fəlakətli nəticələrə səbəb olan təxribatı cavabsız qoymayacaqlar”, - məlumatda deyilir.
Şərhlər