Fərid Şəfiyev: Ermənistan bizim üçün təhdid deyil
16.02.2024 17:30 Sosreaksiya 103
![](https://img.reaksiya.az/news/2024/02/photo_36814.jpg)
Ermənistan bizim üçün təhdid deyil, Qərbdəki bəzi qruplar münasibətlərin normallaşmasına əngəl olmağa çalışırlar.
Reaksiya.az xəbər verir ki, bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev "Qlobal Sistemlərdə yeni dövr, güc savaşları və Cənubi Qafqaz" mövzusunda keçirilən beynəlxalq paneldə deyib.
Onun sözlərinə görə, Qərbdə Azərbaycanı əsassız yerə ittiham edirlər: "Ermənistanı silahlandırırlar və s. Rəsmi İrəvanın qanunvericiliyində Azərbaycan və Türkiyəyə qarşı ərazi iddiaları var. Belə olan təqdirdə, ilk növbədə, Konstitusiya məsələsi həll olunmalıdır. Biz özümüzü Qərbdən təcrid etmirik. Amma onların bizə qarşı olan yanaşmasında problem var. Bu gün Azərbaycan Qərblə əməkdaşlığı davam etdirir. Amma Avropa İttifaqının Türkiyə və Azərbaycana qarşı qərəzli münasibətini göstərən açıq faktlar da var".
F.Şəfiyev onu da vurğulayıb ki, türk dövlətləri və Azərbaycan-Türkiyə tandemi geosiyasi bir seçimdir.
Şərhlər