Bakıda 3 evdən antik əşyalar və 30 minlik qızıl oğurlandı
04.04.2024 18:30 Sosreaksiya 117
![](https://img.reaksiya.az/news/2024/04/photo_38602.jpg)
Paytaxtın Səbail rayonu ərazisində 3 vətəndaşın evindən 30 min manat dəyərində qızıl-zinət, mobil telefon, notbuk, fotoaparat və antik əşyaları oğurlanıb.
Bu barədə Reaksiya.az-a Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, Səbail Rayon Polis İdarəsinin 41-ci Polis bölməsi əməkdaşları tərəfindən keçirilən əməliyyat tədbirlərilə hadisələri törədən, əvvəllər məhkum olunmuş 1993-cü il təvəllüdlü Toğrul Abbaslı və həmyaşıdı Seymur Hacıyev saxlanılıblar. Onlar dindirmə zamanı hər üç evi eyni üsulla taladıqlarını, günlərlə mənzil sahiblərini izləyərək axşam saatlarında onların mənzildə olmadıqlarını müəyyənləşdirdikdən sonra oğurluq etdiklərini bildiriblər.
Şərhlər