Qadınlar pensiyaya 5 il tez çıxa bilər
05.04.2024 12:45 Sosreaksiya 152
![](https://img.reaksiya.az/news/2024/04/photo_38647.jpg)
"Əmək pensiyaları haqqında" qanun layihəsində 8.1-ci maddəyə əsasən, 5 və daha çox övladı olan analar bu güzəştdən istifadə edəcək, yəni 5 il daha tez pensiyaya çıxa bilər.
Bunu Milli Məclisin bu gün keçirilən iclasında deputat Vüqar Bayramov deyib.
Deputat bildirib ki, “Sosial müavinətlər haqqında” qanunun 4.0.1.13-cü maddədə isə bu güzəştlər 5-dən çox övladı olan analara şamil olunur:
“Bu ona gətirib çıxarır ki, 5 uşaq böyüdən analar pensiyada güzəşt əldə etsələr də, sosial müavinət ala bilmirlər. Təklif edirəm ki, "Əmək pensiyaları haqqında" qanun layihəsinin 8.1-ci maddəsinə uyğun olaraq, "Sosial müavinətlər haqqında" qanunda da "5 və 5-dən çox övladı olan analar" sözü əksini tapsın”.
Şərhlər