Boyuk Britaniyanın Azərbaycandakı Ticarət Palatası Innovasiyalara həsr olunmuş tədbir keçirib
16.07.2024 13:47 Sosreaksiya 948
Boyuk Britaniyanın Azərbaycandakı Ticarət Palatası (BCCA) - Böyük Britaniyanın Azərbaycandakı səfirliyi, Azerconnect Group, Pasha Holding və Azərbaycan Mərkəzi Bankının tərəfdaşların iştirakı ilə birgə Baku Marriott Boulevard Hoteldə Innovasiyalara həsr olunmuş tədbir keçirib.
Reaksiya.az xəbər verir ki, sənaye liderləri və Azərbaycanda fəaliyyət göstərən tanınmış şirkətləri sənayenin əsas simaları ilə görüş üçün salamladıqdan sonra çıxış üçün söz Paşa Holdinqin FUTURELAB-a yeni təyin olunmuş baş direktoru Fərrux Əliyevə verilib. Daha sonra Fidan Tofidi, İnnovasiyalar və Fintech Departamentinin direktoru; Dövlət Dövlətov, Azerconnect Group-un baş direktorunun müavini; və Böyük Britaniyanın Azərbaycandakı Səfirliyinin Ticarət Meneceri Harriet Umpleby çıxış edib.
Tədbir zamanı müxtəlif mühüm mövzular müzakirə olunub:
- Fərrux Əliyev Pasha Holding və INMerge - İnnovasiya Sammitinin səyləri ilə dəstəklənən innovasiyalar və sahibkarlıq haqqında fikirlərini bölüşərək, aşağıdakıları qeyd edib:
“InMerge – İnnovasiya Sammiti Azərbaycan, Gürcüstan, Türkiyə, Qazaxıstan və Özbəkistanı əhatə edən regionda əsas işgüzar tədbirə çevrildi. PAŞA Holdinq olaraq biz İnnovasiya Ekosisteminin gücləndirilməsinə yönəlmiş qabaqcıl təşəbbüslərlə yol açmaqdan qürur duyuruq. İnnovasiya təşəbbüslərini irəli sürməklə biz yerli biznesi gücləndiririk və daha geniş regional ekosistemi dəstəkləyirik”.
- Fidan Tofidinin təqdimatı fintech innovasiyalarının maliyyə inklüzivliyini necə təşviq edə biləcəyinə və Mərkəzi Bankın bu məqsədi dəstəkləmək üçün göstərdiyi təşəbbüslərə diqqət yetirdi:
“Biz ölkədə inkişaf edən fintech ekosistemini dəstəkləmək və fintech sənayesi üçün bir pəncərə olmaq üçün buradayıq”.
- Dövlət Dövlətov telekommunikasiya və rəqəmsal inkişafın gələcəyini müzakirə edib:
“Ölkədə aparıcı “İnformasiya və kommunikasiya texnologiyaları” şirkəti olaraq, biz ödəniş sistemləri və digər fintech təklifləri, eləcə də ən müasir AdTech xidmətləri daxil olmaqla innovativ həllər təqdim edəcəyik. Bu il biz Vodafone ilə onların təcrübəsindən yararlanmaq və Azərbaycanın rəqəmsal və davamlı inkişafına əhəmiyyətli töhfə vermək üçün strateji tərəfdaşlıq qurduq”.
- Harriet Umpleby COP29-un yaratdığı kommersiya imkanlarını təqdim etdi və Britaniya-Azərbaycan tərəfdaşlığının Azərbaycanda innovasiyaları və “clean” inkişafı necə irəli apara biləcəyini vurğuladı.
Tədbir Böyük Britaniya Səfirliyində Biznes və Ticarət Departamentinin (DBT) ölkə üzrə direktoru Coel Derbişirin yeni təyinatdan əvvəl vidalaşma mərasimi olub.
Derbişir vida nitqində Azərbaycanda işlədiyi dörd il ərzində göstərdikləri dəstəyə görə biznes ictimaiyyətinə minnətdarlığını aşağıdakı sözlərlə ifadə edib:
“Son dörd il ərzində Səfirlik və Palata çoxlu sayda innovativ Böyük Britaniya firmalarının Azərbaycan bazarına daxil olması və ilk dəfə olaraq Azərbaycan şirkətləri ilə tərəfdaşlıq etməsi üçün dəstək verib. Qeyri-neft və qaz sektorunda bu yeni strateji tərəfdaşlıqlar Azərbaycan şirkətlərinə yeni gəlir mənbələri yaratmağa və insan kapitalı yaratmağa kömək edib. İkitərəfli ticarəti inkişaf etdirmək üçün Britaniya Ticarət Palatasının üzvləri ilə işləmək çox xoşdur və mən əminəm ki, mənim varisim Aleks Tyrrell Böyük Britaniya-Azərbaycan tərəfdaşlığını daha da yüksəklərə aparmağa kömək edəcək”.
Qeyd edək ki, Britaniya Ticarət Palatası (BCCA) Azərbaycanda 1990-cı illərin sonlarından fəaliyyət göstərir. 2022-ci ildə Britaniya Ticarət Palatalarının beynəlxalq şəbəkəsinə qoşularaq rebrendinq etdi. 100-dən çox üzvü ilə Azərbaycanda əsasən mühəndislik, enerji, maliyyə və təhsil sektorlarında fəaliyyət göstərir. BCCA Azərbaycan və Böyük Britaniya arasında əlaqələri və ticarəti inkişaf etdirmək üçün Böyük Britaniyanın Azərbaycandakı səfirliyi və dövlət qurumları ilə sıx əməkdaşlıq edir.
Şərhlər