Gəncədə sursat partladı - ölən var

17.12.2024 14:02     Sosreaksiya     210

Gəncədə bədbəxt hadisə baş verib.

Reaksiya.az xəbər verir ki, hadisə şəhər ərazisində yerləşən fərdi yaşayış evində qeydə alınıb.

1974-cü il təvəllüdlü A.Tağıyevin yaşadığı evdə "OF 843 "markalı minaatan mərmisi ilə ehtiyatsız davranması nəticəsində partlayış olub. Nəticədə 50 yaşlı kişi aldığı xəsarətlərdən hadisə yerində ölüb.

Məlumata görə, A.Tağıyev mərmini qoyun otaran zaman tapıb.

Hadisə yerinə polis əməkdaşları cəlb olunublar.