Ralli yarışında faicə - 6 ölü, 10 yaralı

06.09.2015 03:06 Sosreaksiya 1926

İspaniyanın Koruna şəhərində təşkil olunan ralli yarışlarında qəza meydana gəlib.

İlkin məlumatlara görə bu qəzada 6 nəfər həyatını itirib.

Reaksiya.az xəbər verir ki, ralli müsabiqəsində yarışan avtomobillərdən birinin sürücüsü idarə etməni itirərək yoldan çıxıb və yarışı izləməyə gələnləri əzib.

İspaniya rəsmi xəbər agentliyi “EFE”-nin məlumatına görə, hadisə yerli saatla 22:00-da meydana gəlib. Ölənlərdən dördünün qadın, ikisinin isə kişi olduğu bildirilir. Yaralanan 10 nəfərdən 3-nün isə uşaq olduğu açıqlanıb.

Qeyd edək ki, 130 avtomobilin qatıldığı ralli yarışı baş verən hadisəyə görə təxirə salınıb.