Bakıda maskalı dəstə tutuldu

10.09.2015 11:19     Sosreaksiya     2017

Şüvəlanda vətəndaşa məxsus bağ evinə basqın edən şəxslər yaxalanıb.

Reaksiya.az  APA-ya istinadən xəbər verir ki , sentyabrın 9-da saat 04:20 radələrində maskalı şəxslər Şüvəlan qəsəbəsində 1946-cı il təvəllüdlü Şövkət Həşimova məxsus bağ evinə daxil olaraq vətəndaşa qarşı zor tətbiq ediblər.

Xəzər rayon Polis İdarəsi Cinayət-Axtarış Şöbəsi  və 1-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində quldurluq əməli törətməyə cəhd göstərməkdə şübhəli bilinən qəsəbə sakinləri – 1988-ci il təvəllüdlü Samid Tahirov, 1993-cü il təvəllüdlü Elnur Muradov və 1994-cü il təvəllüdlü Nahid Razıyev müəyyən olunaraq tutulublar.

Faktla bağlı araşdırma aparılır.