Azərbaycanlı dosent Türkiyədə yol qəzasında öldü

02.10.2015 11:02     Sosreaksiya     2015

Türkiyənin Muş vilayətində azərbaycanlı müəllimin idarə etdiyi avtomobil yoldan çıxaraq dərəyə aşıb, sürücü ölüb.

49 MA 001 nömrə-nişanlı avtomobili idarə edən Muş Alparslan Universitetinin dosenti Fariz Fərzəli aldığı xəsarətdən hadisə yerində ölüb, avtomobildəki sərnişin, universitetin daha bir müəllimi Musa Gümüş isə ağır xəsarət alıb.

Reaksiya.az APA-ya istinadən xəbər verir ki, Anadolu Universitetində ali təhsil alan Fariz Fərzəli məzun olduqdan sonra Türkiyədə qalıb. 40 yaşlı dosent Muş Alparslan Universitetinin ədəbiyyat fakültəsində tarix müəllimi olub. Onun 3 övladı var.