Bakıda ağır qəza: 4 yaralı
15.06.2015 12:07 Sosreaksiya 1855
"Prado" markalı maşınla "VAZ-21015" markalı avtomobil toqquşub
Bu gün saat 11 radələrində Bakının Suraxanı rayonunda ağır yol qəzası baş verib.
Suraxanı rayon Polis İdarəsi 33-cü polis bölməsindən ANS PRESS-ə verilən məlumata görə, hadisə Yeni Günəşli qəsəbəsində qeydə alınıb.
Qəsəbə ərazisində hərəkət edən "Prado" markalı maşınla "VAZ-21015" markalı avtomobil toqquşub.
Qəza nəticəsində hər iki avtomobilin sürücüsü ağır yaralanıblar. Bundan başqa, "VAZ" markalı maşında olan 2 sərnişin də ağır yaralanıb.
Yaralılar xəstəxanalara yerləşdirilib. Verilən məlumata görə, "VAZ" markalı maşının sürücüsünün vəziyyəti nisbətən ağırdır.
Faktla bağlı araşdırma aparılır.
Şərhlər