Azərbaycanda qatar yandı - Hadisə

16.06.2015 14:53     Sosreaksiya     1703

Yanğın Şəmkir rayonunda yük qatarında qeydə alınıb.

"Reaksiya.az" - ın Fövqəladə Hallar Nazirliyinin mətbuat xidmətinə istinadən verdiyi məlumata görə, hadisə bu gün səhər saatlarında Şəmkir rayonunun Zəyəm qəsəbəsində (rayon mərkəzindən 20 km aralı) qeydə alınıb.

Şəmkir-Qazax istiqaməti ilə hərəkətdə olan 35 vaqondan ibarət yük qatarının bir vaqonunda yanğın baş verib. Məlumat daxil olan kimi hadisə yerinə hüquq-mühafizə xidmətinin əməkdaşları, yanğınsöndürənlər və xilasedicilər cəlb olunub.

Vaqonun qalan hissəsi və digər qatarlar yanğından mühafizə olunub. Yanğın saat 11:25-də yanğınsöndürənlər tərəfindən söndürülüb.

Hadisə nəticəsində xəsarət alan olmayıb.

Faktla bağlı araşdırmalar aparılır.