Bakıda yeni marşrut xətləri açılır - 2, 3, 7, 14

16.10.2015 12:24     Sosreaksiya     2211

“BakuBus”ın yeni marşrut avtobusları xəttə buraxılacaq.

Reaksiya.az xəbər verir ki, bu barədə məlumat “BakuBus”ın məlumat mərkəzindən verilib.

Məlumata görə, gələn həftə 2 saylı marşrut xəttinin istifadəyə verilməsi nəzərdə tutulur.

Bu xətt ilə hərəkət edəcək avtobuslar 20 Yanvar-Ziya Bünyadov (Azadlıq prospekti) istiqamətində hərəkət edəcək. Həmçinin 3, 7 və 14 saylı marşrut xətlərinin də istifadəyə verilməsi planlaşdırılır. 

3 saylı xətt üzrə hərəkət edəcək avtobusların “Azadlıq”metrostansiyası-“Elmlər Akademiyası”, 7 saylı xətt üzrə Ziya Bünyadov prospekti, Arxiv İdarəsi-20-ci sahə, 14 saylı marşrutun isə Xətai istiqamətində hərəkəti nəzərdə tutulub. 

Avtobusların xəttə buraxılacaqları tarix hələ ki, müəyyənləşməyib. 

Avtobusların hər birində gediş-gəliş "BakıKart" ilə mümkün olacaq.