"MTN-də dedilər ki, Səfər Əbiyevin üzünə dur"

23.10.2015 12:52     Sosreaksiya     1896

Bu gün Bakı Ağır Cinayətlər Məhkəməsində sabiq müdafiə naziri Səfər Əbiyevin müavini Mehman Səlimovun cinayət işi üzrə məhkəmə prosesi keçirilib.

Reaksiya.az APA-ya istinadən xəbər verir ki, hakim Zeynal Ağayevin sədrliyi ilə keçirilən prosesdə şahidlər ifadə verib.

Şahidlərin ifadəsindən sonra Mehman Səlimov məhkəmədə qısa çıxış edib. O, çıxışında Milli Təhlükəsizlik Nazirliyini ittiham edib: “O vaxt məni MTN-də dindirəndə dedilər ki, Səfər Əbiyevin üzünə dur, mən durmadım. Çünki onu işdən azad edəndən sonra tutmaq istəyirdilər. Mən bunu etmədim, onun üzünə durmadım. Ona görə mənə cinayət işi açdılar".

Proses oktyabrın 30-da davam etdiriləcək.