Günün qoroskopu: Ünsiyyətdə problemlər ola bilər

26.10.2015 00:02     Sosreaksiya     1747

Qoç -  Sizin ləyaqətli hərəkətləriniz diqqətdən kənarda qalmayacaq. Həmkarlarınızın, rəhbərliyin hörmətini qazanacaq, nüfuzunuzu möhkəmlədəcəksiniz. Peşəkarlığınıza kimsənin şübhəsi yoxdur. Nüfuzlu və təcrübəli adamlar sizə məsləhət üçün müraciət edəcəklər. Sizi xoş sürprizlər gözləyir. Aşiq Qoçlar, xüsusilə ilk dəfə görüşə gedənlər xeyli sevinəcəklər.

Buğa - İşgüzar ünsiyyətdə problemlər mümkündür. Sizin hətta ən uğurlu ideyalarınız da qeyri-adilikləri üzündən soyuq qarşılana bilər. Lakin bir qədər sonra hamı başa düşəcək ki, sizin fikrinizə qulaq asmağa dəyərmiş. Bilmədən xətrinə dəydiyiniz adam sizə uğur əldə etməkdə mane olmağa çalışacaq.
Bədxahınızın fitnələrinin üstünün açılması vaxt alacaq. Halbuki, siz həmin vaxtdan daha səmərəli istifadə edə bilərdiniz. Qohumlarla yola getmək asan deyil. Onlar çox böyük həvəslə çatışmazlıqlarınızı üzünüzə vurur, tərif və təqdir ifadələrində isə xəsislik edirlər.

Əkizlər - Ən yaxşısı, hadisələri öz axarında buraxmaq, heç nəyi tələsdirməməkdir. İşin gedişində sizin iradənizdən kənar şəraitdən öz xeyrinizə istifadə etməyin yolları barədə qərar verin. Əsas diqqəti praktiki məsələlərə yönəldin. Yeni ideyalarınızı diqqətlə düşünün. Bəlkə, nədəsə yanılırsınız və ya lazımsız işlə məşğul ola bilərsiniz. Ünsiyyətdə ikili standart siyasətini və ya partnyorunuz tərəfindən açıq şəkildə aldadıldığınızı hiss edə bilərsiniz. Lakin nəticə çıxarmağa tələsməyin. Diqqətinizi ən vacib məsələlərə cəmləşdirin.

Xərçəng - Oyun qaydaları sizi qane etmirsə, onları dəyişdirin. Gəlir gətirməyən işlərdən imtina edin. Baş verənləri müşahidə edin, nəticə çıxarmağa tələsməyin. Öz planlarınızı irəli sürmək səyləri digər maraqlı şəxslərin məhdudiyyətləri və müqaviməti ilə qarşılaşa bilər. Sakit, zirək davranın və daha münasib vaxtı tapmağa çalışın. Axşam şəxsi görüşlər (sizin ciddi həvəsinizin olması şərtilə) üçün münasibdir.

Şir - Gün sizə xoş xəbərlər, eləcə də bir neçə vacib məsələnin həllinə imkan verən informasiya gətirəcək. Unutmayın ki, vaxtınızı hədər yerə itirmək olmaz: nə qədər zirək tərpənsəniz, nəticə o qədər yaxşı olacaq. Siz başqalarının əvəzinə məsuliyyəti üzərinizə götürməli olacaqsınız. Bu, asan deyil. Çoxlu narahatlıq və həyəcan gözlənilir. Düzdür, onların əksəriyyəti yersiz olacaq.
Yeni şeylər almaq olar. Zövqünüz sizi kosmetika, parfümeriya və interyer əşyaları seçimində yanıltmayacaq.

Qız - Cəsarətli işgüzar layihələr, peşəkar fəaliyyətdə dəyişiklik üçün münasib gün deyil. Çalışın, hərəkətlərinizə əlavə diqqət cəlb etməyəsiniz - layiq olsanız belə, təqdir edilməyəcəksiniz. Maddi çətinliklər mümkündür. Bəziləri xeyli maliyyə itirə bilərlər. Özü də şəxsi maraqları naminə yox.
Yaxınlarla münasibət daha gərgin və daha az etimadlı olacaq. Sevdiyiniz insan da istisna deyil - o, bu gün sizə anlayışla yanaşmaq əvəzinə, daha çox ittiham etməyə meylli olacaq. Axşam fəal istirahət üçün münasib deyil. Ən yaxşısı - axşamı evdə keçirmək və fiziki yükü minimuma endirməkdir.

Tərəzi - Sizi maraqlı gün gözləyir. İş adamları üçün gün kommersiya uğurları ilə əlamətdar olacaq. Duyma qabiliyyəti nəticəsində uğurlu sövdələşmələrə gedə, çoxlu gəlir əldə edə bilərsiniz. Çətin vəziyyətlərdə müttəfiqlərinizə izahat üçün vaxt itirməmək naminə müstəqil hərəkət edirsiniz.

Əqrəb - Pullarla ehtiyatlı olun. Yersiz xərclər və itki ehtimalı var. Qalan məsələlərdə gün babatdır. Müttəfiqlərlə dil tapa, yaxın keçmişdəki düşmənlərinizlə "atəşkəs" razılığı əldə edə biləcəksiniz. Partnyorlarınız sizin yeni başladığınız bütün işləri dəstəkləyirlər və bu, əl-qolunuzu açır. Yeni işlərə başlamaq olar və çətinliklər qarşısında təkbaşına qalacağınızdan qorxmağa dəyməz.

Oxatan - Sözünüzün üstündə durmağınız və qətiyyətiniz rəqibləriniz üzərində qələbəyə imkan verəcək, qarşınızda cəlbedici perspektivlər açılacaq. Daxil olan təklifləri dərindən öyrənin - onlardan biri tezliklə sizə karyera nərdivanında bir neçə qalxmaq imkanı verəcək.  
Bürcün tənha nümayəndələri yeni romantik münasibətlərin başlanmasına ümid edə bilərlər. Bu münasibətlərin evliliklə nəticələnəcəyi də istisna deyil. Ailə münasibətləri harmonikdir. Sevgililər birlikdə istirahətdən zövq alacaqlar. Həyat potensialı yüksəkdir.

Oğlaq - Mürəkkəb məsələləri həll etməli, başqalarının işlərinə qarışmalı olacaqsınız. Şəraitin tələb etdiyi həvəs sizdə yoxdur. İstəyirsiniz ki, sizi sakit buraxsınlar, amma bu gün bu, mümkün deyil. Mütləq kimisə xilas etməli, yolunu azanları geriyə qaytarmalı, başqalarına faydalı olan işləri görməlisiniz. Xeyli xərcinizin çıxacağı gözlənilir. Bəzi Oğlaqlar iri məbləğdə borc verəsi, sonra isə uzun müddət onun qaytarılmasını gözləyəsi olacaqlar.

Dolça - Gününüzü pis adlandırmaq olmaz. Bütün planlarınızı həyata keçirə biləcəksiniz. Həvəsiniz aşıb-daşır, başqalarının öhdəsindən gələ bilmədikləri işləri çox çevikliklə görürsünüz. İşgüzar və şəxsi münasibətlər üçün, vacib məsələlərin müzakirə olunması üçün ideal gündür. Aktiv istirahət, idman, səfər və ekskursiyalar məsləhətdir. Fantaziyanıza da istirahət verin, dahi ideyalar bu gün qonşularınızın "qonağıdır".
 
Balıqlar - Özünüzün bütün yaxşı keyfiyyətlərinizi nümayiş etdirməyə imkanınız olacaq. Peşəkar mövqeyinizi möhkəmlədəcəksiniz. Təşəbbüskar olun. Cəsur planlar irəli sürün, amma onların yerinə yetirilməsinə tələsməyin, uyğun vaxtı gözləyin. Şəxsi həyatınızda dəyişiklik arzusundasınız, amma məsləhət deyil. Xüsusilə bu, evli Balıqlara aiddir. Subaylar üçünsə yol açıqdır.