Canavarlar yerli sakinlərə hücum etdi - Yaralananlar var

26.10.2015 12:28     Sosreaksiya     1977

Ağsu rayonunda canavarlar yerli sakinlərə hücum edib, iki nəfər ağır vəziyyətdə xəstəxanaya yerləşdirilib.

Reaksiya.az apa-ya istinadən xəbər verir ki, hadisə ötən gün axşam saat 19:00 radələrində rayonun Padar və Növcü kəndləri arasındakı otlaq sahəsində baş verib.

Padar kənd sakini, 1981-ci il təvəllüdlü Bəhramov Behruz İsa oğlu və Növcü kəndində məskunlaşan Ağdam rayonundan olan məcburi köçkün, 1973-cü il təvəllüdlü Məhərrəmov İlham Amil oğlu otlaq sahəsindən qoyunları kəndə apararkən qəflətən canavarların hücumuna məruz qalıblar. Onlar boğaz və üz nahiyyəsindən xəsarət alıblar. Yaralılar qohumları tərəfindən Ağsu rayon Mərkəzi Xəstəxanasına çatdırılıb.

Xəstəxananın cərrahiyyə şöbəsindən bildiriblər ki, xəstələr əməliyyat olunub, onların vəziyyəti ağır olaraq qalır.