Gənc qız zəhərlənərək öldü - Sabirabadda

31.10.2015 09:32     Sosreaksiya     2125

Sabirabadda 23 yaşlı qadın ölüb.

Reaksiya.az-ın APA-ya istinadən verdiyi məlumata görə, Sabirabad rayonunun Çöl Beşdəli kənd sakini, 1992-ci il təvəllüdlü Məmmədova Zəhra Zaur qızı bu gün səhər saat 6.00 radələrində ağır vəziyyətdə Şirvan şəhər xəstəxanasına çatdırılıb.

Xəstəxananın reanimasiya şöbəsinə yerləşdirilən xəstəyə təcili yardım göstərilsə də, o, bir neçə dəqiqədən sonra keçinib.

Z. Məmmədovanın dərman zəhərlənməsindən öldüyü ehtimal olunur.

Ölümün dəqiq səbəbini aydınlaşdırmaq üçün meyit Şirvan şəhər Məhkəmə-Tibbi Ekspertiza və Patoloji Anatomiya mərkəzinə təhvil verilib.   

Faktla bağlı Sabirabad Rayon Polis Şöbəsi araşdırma aparır.