Azərbaycan insan alverinə qarşı kompleks tədbirlər həyata keçirir - DİN

10.11.2015 10:37     Sosreaksiya     1568

Avropa Şurası (AŞ) və Azərbaycan Daxili İşlər Nazirliyinin (DİN)  təşkilatçılığı ilə Azərbaycanın AŞ-ın “İnsan alverinə qarşı mübarizə haqqında” Konvensiyasını yerinə yetirməsi mövzusunda tədbir keçirilib.

Reaksiya.az APA-ya istinadən xəbər verir ki, tədbirdə insan alverinə qarşı mübarizə üzrə səlahiyyətli 21 dövlət qurumundan 36 və vətəndaş cəmiyyətindən 4 nümayəndə iştirak edib.

Tədbirdə çıxış edən DİN-in İnsan Alverinə Qarşı Mübarizə İdarəsinin rəisi Şərif Əsədullayev deyib ki, Azərbaycan insan alverinə qarşı mübarizəni daim yüksək səviyyədə təşkil etməkdə israrlıdır: "Demokratik, hüquqi dövlət quruculuğu yolunu seçmiş, insan və vətəndaş hüquq və azadlıqlarının təmin edilməsini dövlət siyasətinin prioritet istiqaməti elan etmiş Azərbaycan 10 ildən artıqdır ki, insan alverinə qarşı mübarizə üzrə kompleks tədbirlər həyata keçirir".

Tədbirdə çıxış edən Avropa Şurasının İnsan Alverinə Qarşı Mübarizə Missiyasının rəhbəri İta Mirinaşvili deyib ki, bu görüşün keçirilməsində əsas məqsəd Avropa Şurasının Azərbaycan hökumətinə dəstəyini bildirməkdir.