Azərbaycanlını öldürməkdə şübhəli bilinən şəxs saxlanıldı - Rusiyada

10.11.2015 17:41     Sosreaksiya     1808

Rusiyanın Leninqrad vilayətinin Tosnensk rayonunda azərbaycanlını öldürməkdə şübhəli bilinən şəxs saxlanılıb.

Reaksiya.az APA-ya istinadən xəbər verir ki, 29 yaşlı şəxs 24 avqust tarixində 47 yaşlı azərbaycanlı öldürməkdə şübhəli bilinir.

Qeyd edək ki, avqustun 24-də Leninqrad vilayətində yerləşən xəstəxanaların birinə ağır vəziyyətdə miqrant gətirilib. Həmin şəxs elə qəbul otağında ölüb.

Polisin məlumatına görə, naməlum şəxslər azərbaycanlını güclə avtomobilə əyləşdirərək meşəyə aparıblar. Orada onu möhkəm döyərək qoyub qaçıblar. Onlardan biri saxlanılıb. Digərlərinin axtarışı davam etdirilir.