Yanğın baş verdi, 30 nəfər təxliyə edildi - Bakıda

18.11.2015 16:27     Sosreaksiya     1941

Bakıda yataqxanada yanğın baş verib.

Reaksiya.az Fövqəladə Hallar Nazirliyinin saytına istinadən xəbər verir ki, Sabunçu rayonunda beşmərtəbəli yataqxana binasının 3-cü mərtəbəsində ümumi sahəsi 20 kvadratmetr olan 1 otaqlı mənzilin eyvanında 1 ədəd şkaf, 2-ci mərtəbədə ümumi sahəsi 40 kvadratmetr olan 2 otaqlı mənzilin eyvanında 2 ədəd şkaf yanıb. Yüksək temperaturdan mənzildə olan digər ev əşyaları əriyərək yararsız vəziyyətə düşüb. Yanğın zamanı binadan 30 nəfər sakin yanğınsöndürənlər tərəfindən təxliyə olunub.

Binanın qalan hissəsi yanğından mühafizə olunub, yanğın yanğınsöndürənlər tərəfindən söndürülüb.