Təqaüdçü özünü asdı - Salyanda

20.11.2015 16:01     Sosreaksiya     1999

Hadisənin başvermə səbəbləri araşdırılır.

Salyan rayonunda intihar baş verib. 64 yaşlı kişi özünü asıb.

Reaksiya.az ANS PRESS-ə  istinadən xəbər verir ki, Salyan Rayon Prokurorluğundan verilən məlumata görə, rayonun Xələc kənd sakini, 1951-ci il təvəllüdlü Davud Tərlan oğlu Səlimov özünü yaşadığı evin həyətindəki yarımtikilidən asıb. Onun asılmış vəziyyətdə meyitini ailə üzvləri aşkarlayaraq hüquq-mühafizə orqanlarına məlumat veriblər. Polis və prokurorluq əməkdaşları ərazidə olublar. Hadisənin başvermə səbəbləri araşdırılır.

Özünü öldürən şəxs təqaüdçü olub.

Faktla bağlı Salyan rayon Prokurorluğunda Cinayət Məcəlləsinin 125-ci (Özünü öldürmə həddinə çatdırma) maddəsi ilə cinayət işi açılıb, araşdırmalar davam etdirilir.

Dünən də Zaqatalada intihar baş verib. Rayonun Mənzil Kommunal Təsərrüfat Birliyinin işçisi 1964-cü il təvəllüdlü Pənah Şeyyub oğlu Osmanov özünü işlədiyi müəsisənin həyətində asıb. Onun asılmış meyitini birliyin işçiləri səhər işə gələrkən görüblər və dərhal bu barədə hüquq-mühafizə orqanlarına məlumat veriblər.