Bulvardakı bu karusel sökülür - RƏSMİ

23.11.2015 11:27     Sosreaksiya     2133

Milli Parkda Abdulla Şaiq adına Kukla Teatrının yaxınlığında yerləşən karusel sökülür.

Reaksiya.az Trend-ə istinadən xəbər verir ki, bunu Nazirlər Kabineti yanında Dənizkənarı Bulvar İdarəsinin rəis müavini Nazim Məcidov bildirib.

Onun sözlərinə görə, gələcəkdə sökülən karuselin yerində uşaqlar üçün əyləncə mərkəzinin tikintisi nəzərdə tutulur. Amma hələlik bu barədə konkret qərar yoxdur: “Həmin ərazidə yerləşən karuselin istismar müddəti başa çatıb. Karusel 30 il fəaliyyət göstərib. Amma indi köhnə olduğu üçün ona tələbat yoxdur”.

Rəis müavini Milli Parkda “Bakı İdman Sarayı”nın yanında bir neçə ildir aparılan tikinti işləri də bağlı açıqlama verib: “Həmin ərazidə bir neçə mərtəbəli yeni ticarət və əyləncə mərkəzi tikilir".