Azərbaycan kubokunda 1/8 final - NƏTİCƏLƏR

03.12.2015 03:45 Sport reaksiya 1846

Bu gün Azərbaycan kubokunda 1/8 final mərhələsinə start verilib. Reaksiya.az-ın məlumatına görə, Topaz Premyer Liqasında çıxış edən klubların da mübarizəyə qoşulduğu mərhələnin 6 qarşılaşması baş tutub.

Günün oyunlarından 4-də elita təmsilçiləri I divizion klublarını sınağa çəkib. “İnter” “Turan Tovuz”u, “Sumqayıt” isə “Neftçala”nı səfər matçında məğlub edərək 1/4 finala yüksəlib.

“Şəmkir”lə üz-üzə gələn “Qarabağ” və “Qaradağ-Lökbatan”ı sınağa çəkən “Neftçi” isə mərhələni keçmək sevincini öz meydanında yaşayıb.

Mərhələnin ən maraqlı oyunları isə Premyer Liqa təmsilçilərinin duelləri olub.

Belə ki, paytaxt derbisində AZAL-la “Zirə” qarşılaşıb. Premyer Liqanın debütantı qələbə qazanaraq adını növbəti mərhələyə yazdırıb.

Əyalət təmsilçiləri isə Lənkəranda münasibətlərini aydınlaşdırıblar. “Kəpəz”i qəbul edən “Xəzər Lənkəran” doğma azarkeşləri önündə qalib gəlib.

Azərbaycan kuboku

1/8 final

2 dekabr (çərşənbə)

“Qarabağ” – “Şəmkir” - 2:0

“Neftçi” – “Qaradağ-Lökbatan” - 8:0

“Turan Tovuz” – “İnter” - 1:3

“Neftçala” – “Sumqayıt” - 0:1

AZAL – “Zirə”- 1:2