Cüdoçumuz Orxan Səfərov finala yüksəldi

25.06.2015 17:38     Sport reaksiya     2048

Avropa Oyunlarında 60 kq-dək çəkili cüdoçuların yarışında təmsilçimiz Orxan Səfərov 1/4 finalda tatamidə İsveçrə cüdoçusu Lüdovik Şammartin ilə münasibətlərə aydınlıq gətirib.

Trend-in məlumatına görə, döyüş ərzində daha fəal güləşən cüdoçumuz rəqibinə əvvəlcə yuko, daha sonra vaza-ari xalı ilə qiymətləndirilən fəndlər tətbiq edib. Bunun nəticəsində O.Səfərov görüşdən qalib ayrılaraq adını yarımfinala yazdırıb.

Onun yarımfinaldakı rəqibi digər təmsilçimiz İlqar Müşkiyevə 1/8 final mərhələsində qalib gəlmiş İspaniya cüdoçusu Fransisko Qarriqos olacaq.

X X X

O.Səfərov finala gedən yolda ispan F.Qarriqosla gərgin döyüş keçirib. Hesab açılmasa da, sonda təmsilçimiz rəqibi daha çox xəbərdarlıq aldığı üçün qalib olub.

O, finalda rusiyalı Beslan Mudranovla qarşılaşacaq.