Millimiz növbəti oyuna çıxır

06.01.2016 10:14     Sport reaksiya     2094

Rusiyanın Sankt-Peterburq şəhərində FIFA-nın I vitse-prezidenti Valentin Qranatkinin xatirəsinə keçirilən XXVIII ənənəvi beynəlxalq turnirdə 17 yaşadək futbolçulardan ibarət Azərbaycan yığması bu gün növbəti oyununa çıxacaq. "Reaksiya"nın məlumatına görə, C qrupunda yer alan millinin rəqibi Bolqarıstanın U-19 komandası olacaq.

Peterburq İdman-Konsert Kompleksində keçiriləcək oyun Bakı vaxtı ilə saat 17:30-da başlayacaq.

Qeyd edək ki, Azərbaycan yığması turnirdə ilk oyununu yanvarın 4-də Latviyanın U-19 komandasına qarşı keçirib. Qarşılaşma 1:1 hesablı heç-heçə ilə yekunlaşıb. İlk turda Bolqarıstana 4:1 hesabı ilə qalib gələn Sloveniya qrup lideridir. Azərbaycan və Latviya isə hərəyə 1 xalla 2-3-cü pillələri bölüşürlər.