"Xəzər Lənkəran"ın ilk sınağına çıxır - FOTO

08.07.2015 12:10     Sport reaksiya     2224

Türkiyənin Kapadokya bölgəsində təlim-məşq toplanışında olan Xəzər Lənkəran bu gün ilk yoxlama oyununa çıxacaq.

ANS PRESS-in məlumatına görə 2014-15 mövsümündə işləri heç də yolunda getməyən cənub təmsilçisi Kayseri Ərciyəsspor klubunun ikinci komandası ilə görüşəcək. Ötən mövsümü 32 xalla 7-ci pillədə başa vuran “Xəzər Lənkəran”ın son mövsüm superliqadan birinci liqaya düşən Türkiyə klubunun ikinci komandasına qarşı mübarizədə uğur qazanacağı ehtimal olunur. 


"Xəzər Lənkəran"ın Kapadokyada məşqindən


"Xəzər Lənkəran"ın Kapadokyada məşqindən

Yalnız bir dəfə, 2006-07 mövsümündə Azərbaycan Premyer Liqasında çempionluq sevinci yaşayan Yunis Hüseynovun komandası artıq məşqlərini başa çatdırıb. Kapadokiya stadionunda baş tutacaq görüş Bakı vaxtı ilə saat 20.00-da başlayacaq.