UEFA Avropa Liqasının bütün yarımfinalçıları məlum olub

13.04.2018 09:46     Sport reaksiya     1383

Aprelin 12-də UEFA Avropa Liqasının dörddəbir final mərhələsinin cavab oyunları keçirilib. Reaksiya.az xəbər verir ki, Avstriyanın "Zalzburg” komandası doğma meydanda "Lazio" klubunu qəbul edib. Birinci görüşdə 4:2 hesabı ilə məğlub olan avstriyalılar bu məğlubiyyətin əvəzini çıxmaq üçün inamlı oyun nümayiş etdiriblər. İlk dəqiqələrdə irəli atılan meydan sahibləri dəfələrlə qonaqların qapısı qarşısında təhlükəli vəziyyət yaradıblar. Buna baxmayaraq 55-ci dəqiqədə əks hücum təşkil edən italiyalılar C.İmmobilenin sayəsində hesabda önə keçiblər - 0:1. Qoldan iki dəqiqə sonra meydan sahibləri hesabı bərabərləşdirməyə nail olublar, Munas Dadır fərqlənib - 1:1 . Qarşılaşmanın 72,74 və 76-ci dəqiqələrində "Zalzburg" klubu üç dəfə fərqlənərək hesabı 4:1-ə çatdırıb. Ümumi hesabla "Zalzburg" klubu turnirdə mübarizəsini davam etdirir (6:5). Digər görüşdə "Marsel" səfərdə 1:0 məğlubiyyətinin əvəzini çıxmaq üçün "Leypzig" klubunu qəbul edib. Hesabı qonaqlar erkən qolla 2-ci dəqiqədə açıblar, Bruma fərqlənib - 0:1. Qoldan dörd dəqiqə sonra meydan sahibləri hesabı bərabərləşdirməyə nail olublar, Bouna Sarr adını tabloya yazdırıb - 1:1 . Qarşılaşmanın 9-cu dəqiqəsində B.Sarr ikinci qolu qonaqların qapısından keçirib - 2:1. Birinci hissənin əsas vaxtına altı dəqiqə qalmış meydan sahibləri hesab arasındakı fərqi iki topa çatdırıblar, F.Tauvin fərqlənib - 3:1. Qarşılaşmanın 56-ci dəqiqəsində Augustin fərqlənərək hesabı minimuma endirib - 3:2 . Oyunun 60-ci dəqiqəsində Dimitri Player komandasının dördüncü topunu vurub - 4:2 . Son nöqtəni isə oyunun 89-ci dəqiqəsində H.Sakai qoyub -5:2 . Ümumi hesabla fransızlar növbəti mərhələyə vəsiqə qazanıblar (5:3). Turnirin favoriti sayılan Londonun "Arsenal" klubu Moskvada "CSKA" ilə heç-heçə edib - 2:2. Meydan sahiblərinin heyətində Çalov, Nababkin qonaqlarda isə Dani Velbek və Aron Remzi fərqləniblər. Arsen Vengerin yetirmələri ümumi hesabla növbəti mərhələyə vəsiqə qazanıblar (6:3). Madridin "Atletiko" klubu səfərdə Portuqaliyanın "Sportinq" klubunun qonağı olub . Oyun meydan sahiblərinin minimal hesablı qələbəsi ilə başa çatıb - 1:0 . Birinci görüşdə 2:0 hesablı qələbə nəticəsində ispanlar yarımfinala vəsiqə qazanıblar. Qeyd edək ki, yarımfinal mərhələsinin püşkatma mərasimi bu gün İsveçrənin Nyon şəhərində keçiriləcək.

Şərhlər