Azərbaycan Kuboku: yarımfinala yüksələn ilk komanda “Zirə” olub
08.02.2024 20:30 Sport reaksiya 121
![](https://img.reaksiya.az/news/2024/02/photo_36454.jpg)
Futbol üzrə Azərbaycan Kubokunda yarımfinala yüksələn ilk komanda “Zirə” olub.
Reaksiya.az-ın məlumatına görə, qəsəbə təmsilçisi 1/4 finalda “Səbail”i üstələyib.
İlk görüşdə səfərdə 2:1 hesablı qələbə qazanan Rəşad Sadıqovun kollektivi uğurlu çıxışını cavab qarşılaşmasında da davam etdirib. Rəqibini bu dəfə 3:0 hesabı ilə məğlub edən “Zirə” yarımfinala adlayıb. Komandanın qollarını Abbas İbrahim (4-cü dəqiqə), Rəhim Sadıxov (42) və Rafael Utziq (74) vurublar.
“Zirə”nin yarımfinaldakı rəqibi “Qəbələ” – “Araz-Naxçıvan” cütünün qalibi olacaq. Komandalar sabah cavab görüşünə çıxacaqlar. “Dalğa Arena”da gerçəkləşən ilk matçda 1:1 hesabı qeydə alınıb.
Qeyd edək ki, yarımfinal mərhələsinin oyunları aprelin 2-də və 23-də keçiriləcək.
Şərhlər