Azərbaycanda baş məşqçi futboldan uzaqlaşdırıldı

27.03.2024 17:30     Sport reaksiya     160

AFFA U-13 Liqasında çıxış edən "Azəri" komandasının baş məşqçisi Elşən Əliyevin futbolla bağlı hər hansı fəaliyyətinə bir il müddətinə qadağa qoyulub. Reaksiya.az xəbər verir ki, bu barədə AFFA-nın İntizam Komitəsi qərar qəbul edib. Gəncə təmsilçisinə rəhbərlik edən mütəxəssis "Turan Tovuz"la matçda baş hakimi təhqir edib, referinin şərəf və layaqətini alçaldıb. Bundan əlavə, baş məşqçi ədalət təmsilçisini vurmağa da cəhd edib. Görüş yarımçıq dayandırıldığı üçün "Azəri"yə 0:3 hesablı texniki məğlubiyyət verilib. Reaksiya.az