Alveşə azadlığa çıxmaq üçün kim yardım edib?
28.03.2024 15:00 Sport reaksiya 130
“Atletiko”nun hücumçusu Memfis Depayın agenti müştərisinin “Barselona”nın sabiq müdafiəçisi Dani Alveşin həbsdən müvəqqəti azadlığa buraxılması üçün girov ödəməklə maddi yardım etməsi ilə bağlı yayılan məlumatı şərh edib.
Reaksiya.az xəbər verir ki, "Goal"a danışan agent informasiyanı təkzib edib: "Bu, saxta xəbərdir, tamamilə yalandır".
Keçən həftə məhkəmə Alveşi hökmdən verilən apellyasiya şikayəti üzrə qərara qədər azadlığa buraxmağa razılıq verib və 1 milyon avroluq girov təyin edib. Pulu Neymarın atasının təmin edəcəyi də bildirilirdi. Lakin son anda o, bundan imtina edib. Əvəzində bir həmkarının Dani Alveşə kömək etdiyi bildirilir.
Xatırladaq ki, məhkəmə Alveşi 2022-ci ilin dekabrında gənc qıza təcavüz etdiyinə görə 4,5 il müddətinə azadlıqdan məhrum edib.
Şərhlər