Ramil Quliyev bu gün finalda oynayacaq

27.08.2015 11:13     Sport reaksiya     2254

Pekində keçirilən 15-ci Dünya Atletika Çempionatında 200 metr məsafədə qaçış üzrə Türkiyəni təmsil edən azərbaycanlı idmançı Ramil Quliyev bu gün finalda gücünü sınayacaq.

Reaksiya.az xəbər verir ki, müsabiqənin ən sürətli atletlərindən hesab olunan Ramil Quliyev 20.10 saniyə ilə ilk 8 atlet arasına girməyi bacarıb.

Yarım finalda Ramil Quliyevlə eyni qaçış məsafəsi üzrə qaçan olumpiya çempionu və dünya rekordçusu  yamaykalı Usain Bolt da adını finala yazdırıb. Finala adını yazdıran başqa bir atlet isə  ilin ən yaxşı dərəcəsinin sahibi amerikalı Castin Gatlin olub.

200 metr məsafədə qaçış üzrə final yarışları bu gün keçiriləcək.