"Qarabağ"ın ardınca "Qəbələ" də qrup mərhələsində! - VİDEO

28.08.2015 01:00     Sport reaksiya     2408

Xəbər verdiyimiz kimi təmsilçimiz "Qəbələ" bu gün Bakı vaxtı ilə saat 23:00-da Yunanıstan təmsilçisi "Panatinaikos"la qarşılaşırdı. Reaksiya.az-ın məlumatına görə oyun bu dəqiqələrdə 2:2 hesabı ilə yekunlaşıb və bu nəticə təmsilçimizin qrup mərhələsinə yüksəlməsi üçün kifayət edir. 

Oyuna qolla başlayan "Qəbələ" 6-cı dəqiqədə hesabı açıb. Qolun müəllifi Dodo olub. İlk hissənin 34-cü dəqiqəsində ev sahibi hesabı bərabərləşdirib. Matçın 60-cı dəqiqəsində yenidən Dodo səhnəyə çıxıb və komandamızı hesabda önə keçirib. 78-ci dəqiqədə ev sahibləri yenidən hesabı bərabərləşdirib. Lakin bu, oyunda vurulan sonuncu qol olub və rəqib meydanda vurulan qolların sayına görə növbəti mərhələyə yüksələn "Qəbələ" olub.

Xatırladaq ki, bundan əvvəl digər təmsilçimiz "Qarabağ" da eyni uğura imza ataraq qrup mərhələsinə yüksəlib.