"Qəbələ" rəqibindən futbolçu transfer etdi

01.09.2015 00:57 Sport reaksiya 2101

UEFA Avropa Liqasının qrup mərhələsinə vəsiqə qazandıqdan sonra heyətini gücləndirən “Qəbələ” daha bir futbolçunu sıralarına qatıb.

"Report"un məlumatına görə, “transfer pəncərəsi”nin son günündə ikinci hücumçu ilə anlaşan komanda Vaqif Cavadovun ardından Fakundo Abel Pereyranı da rənglərinə bağlayıb. 28 yaşlı argentinalı hücumçu 2014-cü ildən Qəbələnin UEFA-nın qrup mərhələsində qarşılaşacağı Yunanıstanın PAOK klubunun üzvüdür.

“Qəbələ” icarə əsasında heyətinə qatdığı Pereyra ilə 1 illik anlaşıb. Cənubi amerikalı Saloniki təmsilçisinə keçənədək vətənində “Estudiantes” (2006-2011), “Ximnasiya” (2012-2014, icarə əsasında), Çilidə “Palestino” (2009, icarə əsasında), “Audaks İtaliano” (2011-2012), Meksikada “San Luis” (2012-2014) klublarında çıxış edib.