"Neftçi" və "Sumqayıt"ın futbolçuları cəzalandırıldı

15.09.2015 13:59     Sport reaksiya     2154

Bu gün AFFA İntizam Komitəsinin (İK) iclası keçirilib.

 Reaksiya.az xəbər verir ki, İK Premyer Liqanın 4-cü turundakı bəzi qayda pozuntuları ilə bağlı qərarlar verib.

Topaz Premyer Liqasının IV turunun “Sumqayıt” – “Zirə” matçında “Zirə” klubunun 5 futbolçusu sarı vərəqə ilə cəzalandığı üçün klub 1000 manat cərimə olunub.

Oyunun 74-cü dəqiqəsində “Sumqayıt” klubunun futbolçusu Aleksandr Çertoqanov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb, klub 2000 manat cərimə olunub.

Azərbaycan Premyer Liqasının IV turunun “Rəvan” – “Neftçi” matçının 56-ci dəqiqəsində “Neftçi” klubunun futbolçusu Ailton Fereira ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub.