Ronaldino Türkiyədə oynayacaq

12.06.2015 20:31     Sport reaksiya     2074

Super Liqanın yeni qruplarından Antalyaspor, dünyaca məşhur oyunçu Ronaldinonun transferi mövzusunda son danışıqları aparır. Radikal saytının verdiyi məlumata əsasən, futbolçunun Türkiyəyə gəlməsi və Antalyasporun rəhbərliyi və menecerləri ilə görüşü gözlənilir. Antalyasporun başçısı Gültekin Gencer bu günlərdə brazilyalı futbolçuyla görüşəcəklərini dilə gətirib.

Görüşün İstanbulda baş tutacağını deyən Gültekin Gencer “Ronaldino hazırda Meksikada oynadığı komanda ilə əlaqələrini kəsir. Daha sonra Brazilyaya gedəcək. Futbolçunun növbəti səfəri isə Türkiyə olacaq” - dedi.

Qeyd edək ki, Antalyasporun başçısı Gencer braziliyalı ulduz futbolçu Ronaldino ilə yanaşı Barselona və İnter kimi komandalarda Çempionlar Liqası çempionluğu yaşayan Samuel Etoyla da maraqlandıqlarını bildirib.