FİFA Mişel Platinini işdən qovdu - Korrupsiya qalmaqalı

08.10.2015 16:01 Sport reaksiya 3105

Dünya futbolunda yaranmış korrupsiya qalmaqalı ilə əlaqədar UEFA prezidenti Mişel Platini vəzifəsindən 3 ay müddətinə kənarlaşdırılıb.

Reaksiya.az APA-ya istinadən xəbər verir ki, bu barədə FİFA-nın Etika Komitəsinin Arbitraj Palatası qərar qəbul edib.

Hələ dünən korrupsiyada günahlandırılan Platininin 90 günlük müddətinə vəzifəsindən kənarlaşdırılacağı haqda məlumat yayılmışdı. Xəbər özünü doğruldub və bu gün Platiniyə kəsilən cəza rəsmi şəkildə açıqlanıb.

FİFA-nın prezidenti postuna namizəd cənubi koreyalı Çon Mondjun isə 6 il müddətinə futbol fəaliyyətindən uzaqlaşdırılıb. Bundan əlavə, ona 100 min İsveçrə frankı məbləğində cərimə kəsilib.

Qeyd edək ki, FİFA prezidenti Jozef Blatter də 90 gün müddətinə vəzifəsindən kənarlaşdırılıb. Onun barəsində korrupsiya ittihamı ilə cinayət işi başlanılıb.