Daha bir baş məşqçi istefaya göndərildi

15.10.2015 06:39     Sport reaksiya     1822

AVRO-2016-nın təsnifat mərhələsində lazımi nəticəni göstərməyən daha bir milli komanda baş məşqçisinə qapını göstərib.

Reaksiya.az goal.az-a istinadən xəbər verir ki, İsrail millisinin çalışdırıcısı Eli Qutman tutduğu vəzifədən azad olunub. Bu barədə İsrail Futbol Federasiyasının tvitter səhifəsi məlumat yayıb.

Komanda seçmə mərhələyə yaxşı başlasa da, sonda 4-cü yeri tutaraq pley-off oyunlarında iştirak hüququ da qazana bilməyib. Onun yer aldığı B qrupundan Belçika və Uels birbaşa Avropa çempionatına yollanacaq. Bosniya-Hertzeqovina isə pley-off raundunu keçməlidir.