Erməni futbolçu Bakıya gəlməyəcək

19.10.2015 10:33     Sport reaksiya     2418

Avropa Liqasının qrup mərhələsində "Qəbələ"nin qonağı olacaq Dortmund “Borusiya”sı erməni futbolçusu Henrix Mxitaryanı Bakıya gətirməyəcək.

Reaksiya.az xəbər verir ki, bu barədə klubun icraçı direktoru Xans-Yoaxim Vatske açıqlama verib.

Onun sözlərinə görə, Mxitaryan təhlükəsizlik səbəbi ilə səfər matçına yollanmayacaq:

“Mxitaryan yəqin ki, Bakıya getməyəcək. Biz məsələ ilə maraqlanmışıq. Azərbaycanla Ermənistan arasında münaqişə olduğunu bilirik. Futbolçumuzun qayğısına qalmalıyıq. Əgər Mxitaryan narahatdırsa, özünü rahat hiss etməyəcəksə, təbii ki, bunu nəzərə almalıyıq”.

Qeyd edək ki, "Qəbələ" - "Borussiya" (Dortmund) matçı oktyabrın 22-də keçiriləcək.